Тывага Тиилелге хүнүнде шериг техника чыскаалы бир дугаар киржир

Кызыл хоорайга Улуг Тиилелгениң 73 чылынга тураскааткан байырлал чыскаалында шериг техниканың механизастаттынган чыскаалы бир дугаар киржир. Төп шериг округунуң парлалга албаны улуг-хүнде ону дыңнаткан. 

"Тываның найысылалынга эртер Май 9-туң байырлыг чыскаалынга Төп шериг округунуң шериг техниканың механизастаттынган чыскаалы бир дугаар киржир. Кызылдың чурттакчылары болгаш хоорайның аалчылары найысылалдың төп шөлүнге амгы үениң чепсээн көөрлер» -деп, парлалга албаны дыңнаткан.  

Тывага Тиилелге хүнүнүң байырлалында 12 санныг шериг техниканы таныштырар. "Оларның санында "Нона-СВК" артиллерийжи дериглерни, "Тигр" марканың куяк автомобильдери база БТР-80-ниң баазазында харылзааның чаа дериг-херекселдери бар. Оон аңгыда Төп шериг округунуң шериглери база чепсектиг күштер ведомстволарының төлээлери Кызылга Май 9-туң байырлал чыскаалынга чыскаалыр. Хоорай чурттакчылары база аалчылар шериг техниканың болгаш чепсектиң делгелгезин көөрлер» - деп, шериг округу тайылбырлаан.