Тываның Баштыңы Кремльдиң губернаторлар рейтингизинде эки демдекти алган

Кремльдиң деп адаар, регион политиказын хөгжүдер төптүң рейтингизинде ам база «эки» демдекти алганы ол. Тываның Баштыңы 2016 чылдан бээр «экилерниң» одуруунда артканын демдеглезе чогуур. Сибирьниң губернаторлар аразында, Забайкалье крайның баштыңы Наталья Жданова үш чыл улаштыр Кремль рейтингизинде мурнунда чоруп олурар.

Регион политиказын хөгжүдер төптүң рейтингизин тургузарда, губернаторнуң халажып болурунга даянып, элээн каш барымдаалар түңү-биле үндүрерин сагындыраал. Кремль рейтингизи регионнар баштыңнарының дээш чок ажылын көргүзүп, федералдыг төпке хамаарыштыр ооң кошкаанын азы быжыкканын айтып турар деп, ооң авторлары демдеглээн.

Регион политиказын хөгжүдер төп рейтингини белеткээрде, регион политиказының адырында башкарыкчы 100 ажыг эксперттерниң, оларның аразында журналистер, хөй-ниити ажылдакчылары, политологтар, эрге-чагырга органнарының төлээлериниң, рейтингини тургузарынга киришкен социологтарның үнелелин ап турар. Сайгарылга кылырда, турум байдалдың, экономиктиг көргүзүглерниң медиа статистика база тускай албаннар көргүзүглерин, албан езузунуң информациязын ажыглап турар.