Тывадан сенатор Оксана Белоконь - республиканың чурттакчыларынга иштики авиааргыжылга өртээн өстүрбес

 Россияның Федерация Чөвүлелинде Тываның парламентизинден сенатор Оксана Белоконь демир-орук чок бистиң республиканың чурттакчыларынга агаар транспорту-биле аргыжарының билеттериниң өртээн чиигедири чугула деп санап турар. 

 Ооң бодалы-биле алырга, Россияның девискээринге ужар самолеттарның билеттериниң өртээ Тываның чурттакчыларынга дыка аар, чурт иштинге аай-дедир аргыжырарынга 80 муң хире рубль үнүп турар, ынчангаш республикага хамаарыштыр аңгы хоойлу-дүрүм баазазын ажылдап кылып, хүлээп алыр херек деп Оксана Белоконь чугаалап, бир эвес херек болза, бистиң республиканың чурттакчыларынга хамаарыштыр федералдыг хоойлуну-даа өскертип болур деп ол демдеглээн. 

 Бо хүннерде субсидиялыг Кызыл-Красноярск база Кызыл-Новосибирск аразында пассажирлер аргыжылгазы 10 муң кижи ажып турар. Федералдыг бюджеттен субсидиялыг билетти 15 муң рубль эвес, а оон ийи катап эвээш өртек-биле ап болур. Россияның хамаатыларының хөй аргыжып турар агаар маршруттарының тускай даңзызын тургузуп, ындыг маршруттарга самолеттарның өртээн чиигедири чугула деп Тываның сенатору санап турар.