- Главная
- Правительство Республики Тыва
- Деятельность
- Поручения
- Документы
- Кадровая политика
- Противодействие коррупции
- Обращения и прием граждан
- Бюджет Республики Тыва
- Год здоровья
- Государственные закупки
- Список системообразующих организаций и предприятий Республики Тыва
- Информационные системы, базы данных, реестры, регисты
- Формирование городской среды
- Национальные и губернаторские проекты
- Реформа контрольно-надзорной деятельности
- Безопасность
- Антитеррористическая комиссия Республики Тыва
- Государственные доклады
- Координационные и совещательные органы при Правительстве Республики Тыва
- Обеспечение общественного порядка и противодействие преступности в Республике Тыва на 2021 - 2024 годы
- НПА определяющие полномочия Правительства Республики Тыва
- Экономика
- Градостроительная деятельность в Республике Тыва
- Перечни объектов недвижимого имущества, находящихся в государственной собственности Республики Тыва и собственности муниципальных образований Республики Тыва
- Рейтинг муниципальных образований
- Военный комиссариат Республики Тыва
- О республике
- Инвестиционный паспорт
- Интернет-приемная
- Официальные документы
- Контакты
- Онлайн-голосование
|
|
КУР-нуң Иштики Моол автономнуг можудан делегация Тывада келген
04.07.2017
Тыва биле КУР-нуң Иштики Моол автономнуг можунуң (АРВМ) эрге-чагыргалары 2007 чылда ат салганы регионнар аразының садыг-экономиктиг, эртем-техниктиг болгаш культурлуг кады ажылдажылга дугайында дугуржулганы күүседирин база ону калбартырының аргаларын сайгарып чугаалашкан.
Июль 2-де Республика Баштыңы Шолбан Кара-оол АРВМ-ниң Улусчу политиктиг консультативтиг чөвүлелиниң даргазы Жень Япин баштаан делегация-биле ужурашкан.
Тываның Чазааның Даргазы социал четкилерде бодунуң арынында ужуражылганың дугайында дыңнаткан: «АРВМ-ниң Улусчу политиктиг консультативтиг чөвүлелиниң даргазы Жень Япин баштаан КУР-нуң Иштики Моол автономнуг можудан делегация бисте аалдап келген. Экономикадан эгелээш культура, өөредилге болгаш спортка чедир, аңгы-аңгы адырларда кады ажылдажылга дугайында он чылдар бурунгаар чарган дугуржулганы катап эгелээр дээн санал-оналы дээш өөрүп четтирдим. Ону дыка чугула деп санаар мен. Бистиң уругларывыс Иштики Моолда эки эртем-билигни чедип ап, ажыктыг специалистер бооп ажылдап чоруурун чугааларга-ла четчир.
Тываның Иштики Моол-биле дөмей чүүлдери хөй, делегейниң көшкүн чоннарының хүрежи, амыдыралдың чаңчылчаан хевири, мал ажыл-агыйлыывыс бистерни төрелдештирген. Шак ындыг төрелдешкек, бот-боттарывысты чоокшулаштырган чүүлдеривисти кайы-даа талага ажыктыг кылдыр ажыглаар херек». АРВМ-биле дугуржулга езугаар өөредилге адырында кады ажылдажылга чедиишкинниг боттанып турар. Ылаңгыя, Соңгу-Чөөн чүктүң педагогика университеди, Шеньянның политехниктиг университединде Улустар аразының өөредилге институду, Иштики Моолдуң Педагогика Университеди,
Иштики Моолдуң университединиң Маньчжур институду дээн ышкаш өөредилге черлери-биле сырый харылзааларны Тываның күрүне университеди туткан. Иштики Моол автономнуг можу Кыдаттың соңгу талазында, Россия (кызыгаары 1000 ажыг км) база Даштыкы Моол-биле (3000 хире км) кызыгаарлашкан. Кыдаттың шөлүнүң 12 хуузун можунуң девискээри ээлээн, 24 млн. хире чурттакчылыг. Иштики Моолдуң төвү - Хух-Хото, а эң-не улуг хоорайы – Баотоу.
Дээрги Жень Япинниң төлээлээни Улусчу политиктиг консультативтиг чөвүлел (НПКСК) чуртта эргелеп-башкарылга системазында чугула орган болур. Ында 2 муң ажыг кежигүн бактааттынган. Кыдаттың Чазааның, парламентиниң база ол ышкаш Коммунистиг партияның шупту чугула шиитпирлерин аңгы-аңгы деңнелдерде хүлээп алырда, Улусчу политиктиг консультативтиг чөвүлелдиң делегаттарының чөпшээрелин албан эртер.
|
|