Тываның Бойдус яамызы «Россияның уруглары бойдус камгалалы дээш» уругларның экологтуг фестивалынче июнь 1-де чалап тур

 Бүгү-российжи экологтуг уруглар фестивалы – Россияда «ногаан» культураның үнелиг чүүлдерин болгаш үзел-туруштарын суртаалдаан өг-бүле байырлалы. Фестиваль долгандыр хүрээлел хайгааралынга, ховар дириг амытаннарны камгалаарынга база экологтуг культураны бедидеринге уругларның болгаш аныяктарның кичээнгейин хаара тудар.  

 Уруглар болгаш элээдилер - хемчегниң кол киржикчилери. Оон аңгыда республиканың улуг назылыг чурттакчылары хемчеглерге киржип болур. Төрээн чериниң долгандыр бойдузунуң дугайында уругларның билиин калбартып, ханыладыры, бойдустуң кайгамчык чүүлдеринге сонуургалды оттурарын, долгандыр хүрээлелге харыысалганы кижизидерин, ону камгалаар күзелди күштелдирерин фестивальдың хемчеглери таварыштыр чедип алыр. 

 Тыва Республиканың Культураның болгаш дыштанылганың Национал парыгының төп шөлүнге ук хемчег 10.30 шакта эгелээр. 

 Ол хүн уругларга, ажык дээр адаанга, дараазында хемчеглерни организастаар: 

 - "Ногаан планета" ногаан шарларны үлээр; - фестивальдың ажыдыышкыны;  

 - «Тыва Республиканың онза хайгааралдыг бойдус девискээрлери» фотоделгелге;

 - өртке удур ажыглаар дериг-херекселдерни таныштырары; 

- асфальтыга «Мээң планетам» чуруктар мөөрейи; - дүрзүлер делгелгези болгаш «Истекчилер» деп билиглер оюну; 

 - «Бистиң парктың үнүш аймаа» деп паркка экскурсия;

 - ойнаар-кыстарның театржыткан көргүзүү; 

 - «Чырык-ногаан кожаа» акция;  

- «Кайгамчык арга-арыг» деп бойдус материалдарындан кылган чүүлдер мөөрейи; 

- даштарга бойдус дугайында чуруктар чурууру;

 - дойдан дириг амытаннар тудары (улуг, бичии улуска);  

- «Уругларының көрүжү-биле Тыва» фоточурук делгелгези; - «Бойдус – бистиң байлаавыс» буклеттер тарадылгазы;  

- «Даштарның кайгамчык делегейинде» деп минералдар болгаш даг породаларының делгелгези.