Тывада Культура болгаш дыштанылганың национал парыгын чаагайжыдар төлевилди хөй-ниити сайгарылгазынче киирген

 Тывада «Таарымчалыг хоорай хүрээлелин хевирлээри" регион программазының боттаныышкыны-биле республика найысылалы Кызылда национал паркты 2017 чылда чаартыр ажылдар эгелээн.  

 Ук объект «Чаңгыс демниг Россия» партиязының эгелээни база Тываның Чазааның деткээни «Биче хоорайларның парктары» төлевилелдиң кезии болур. Парктың админиcтрaциязы чаартылга ажылдарынче уруглар хоорайжыгажының чаартылгазынче, ылавылаарга – ойнаар комплекс тудуунче кадыкшыл байдалы кызыгаарлыг уругларга таарышкан шөлдерни, чайганыыштар, хөглээшкинниг аттракционнар дээш, өске чүүлдерни киирген. Уруглар хоорайжыгажы уруг бүрүзүнүң сонуургалын болдурар ужурлуг деп, төлевилелдиң авторлары санап турар. 

 Культура болгаш дыштанылганың национал парыгының төп кезээнде чаа технологиялар ажыглап кылган ландшафт дизайнын чурттакчы чон база сайгарар. Оон аңгыда воркаут зоназын база ГТО дужаар спортчу шөлдерни чаартыры көрдүнген. Воркаут-шөлдерде кадыы багай кижилерге тускайлаан кудумчу тренажерларын база тургузар. 

 Республиканың чурттакчылары Тываның кол парыгын чаагайжыдар төлевилелге хамаарыштыр боттарының санал-оналын мынаар бижип болур: https://www.survio.com/survey/d/I4C6A0E3X5L4V4U7L.