Кызыгаар эргелели биле Росгвардияның килдизи российжи-моол кызыгаарның тыва участогунга кады рейдилээн
11.04.2017
Россияның Федералдыг айыыл чок албанының Тывада кызыгаар эргелели биле Росгвардияның республикада килдизи российжи-моол кызыгаарның тыва участогунуң девискээринге «Чурум-2017» деп каттышкан хемчегни эрттирген.
Ооң кол сорулгазы – күрүне кызыгаарын таварыштыр чамдык бөлүктерниң база кижилерниң хоойлу-чурумга удур хөделиишкиннерин болдурбазы, күрүне кызыгаарын таварты хоойлуга чөрүштүр мал-маган, боо-чепсек, октар эрттирерин болдурбазы, кызыгаарга хамаарышкан Россия Федерациязының хоойлужудулгазын кижилерниң болгаш юридиктиг черлерниң сагыырын хандырар талазы-биле каттышкан ажыл-чорудулганың шынарын бедидери болур.
Рейд үезинде кызыгаар чурумун үрээн бир хамаатыны (Моолдуң) туткаш, РФ-тиң Административтиг чурум үрээшкиннериниң дугайында хоойлунуң 18.1 чүүлүнүң 1 кезээ-биле административтиг харыысалгага онаап, торгаан. 3 санныг боо-чепсекти, аңгы-аңгы калибрлиг 80 хире октарны хавырган. Улаштыр процессуалдыг хемчегни алыры-биле, оларны ИХЯ органнарынче дамчыткан.
Возврат к списку
|