Тываның чыынды командазы Чечняга 7 медальды чаалап алган

 Чечен республиканың найысылалынга кикбоксингиге Россия чемпионады биле бирги чер дээш маргылдаалар доозулган.  

 Тываның командазы К-1 кезекке 7 - 2 алдын, 2 мөңгүн болгаш 3 хүлер медальдарны чаалап алган. Шаңналче кирген спортчулар аразында тыва кыстарывыс - Вероника Монгуш биле Анжелика Куулар база бар. Албан күүседир негелдени күүсеткеш, Төрепчи Донгак биле Уран-Херел Ховалыг Россияның спорт мастери аттарны чедип алган. 

 Россия чемпионадынга Кежик Монгуш (54 кг) чемпионнаан, Сергек Ооржак (57 кг) хүлер медальды алган. Элээдилер ортузунга Россияның бирги чери дээш маргылдаага Ак-Довурактан Төрепчи Донгак (54 кг) чемпоннаан. Кызылдан Вероника Монгуш (44 кг), Шагаан-Арыгдан Уран-Херел Ховалыг (51 кг) ийиги черни ээлээн. Кызылдан Ерлан Ондар (60 кг) биле Анжелика Куулар (48 кг) хүлер медальдарга төлептиг болганнар.  

 Тывадан 9 спортчу Россияның кикбоксинг чемпионадынга, 11 кижи Россияның бирги чери дээш маргылдааларга киришкенин сагындыраал. Чечен Республиканың бирги президентизи Ахмат-Хаджи Кадыровтуң чырык адынга тураскааткан турнир Чечняга бир дугаар болуп эрткен. Бир чыл бурунгаар Чечняга үндезилеттинген, Ахмат аттыг кикбоксинг клувунуң спортчулары бо маргылдаага чайынналчак көргүзүглерлиг болган.