Тыва Россияда ИАЧС-те бүрүткеттингеннер-биле бирги черде
22.03.2017
РФ-тиң Коммуникация болгаш харылзаа яамызының сөөлгү рейтингизинде Идентификация болгаш аутентификацияның чаңгыс аай системазында (ИАЧС) бүрүткеткен хамаатылар үлүү-биле Тыва бирги черни ээлээн.
Бо чылдың февраль 14-түң хүнү-биле алырга, 14 хардан өрү назылыг чурттакчы чоннуң 66,9 хуузу ИАЧС-де бүрүткеткен. Ийиги черде – Тула облазы (62,5 %), үшкүзүнде – Курск область (60 %).
ИАЧС ажыглакчыларының саны чүгле 9,6 хуу болуп, Ингушетия рейтингиниң эң сөөлүнде. ИАЧС - идентификация база аутентификацияның чаңгыс системазы. Шупту күрүне сайтыларынче кирериниң дүлгүүрү ол. Россияның Коммуникация болгаш харылзаа яамызы ук системаны тускай порталдарда күрүнениң электроннуг ачы-дузаларының чедингирин хандырар дээш тургускан. ИАЧС-ке бүрүткелди эртип алыры - шупту ачы-дузаларны алырын магадылаар. Порталче кирерде СНИЛС-тиң дугаары биле паролюн ийикпе, азы электроннуг холунуң үжүүн айтыр.
Возврат к списку
|