Тываның Баштыңының Ада-чурт камгалакчызының хүнү-биле байыр чедириишкини

 Эргим чаңгыс чер-чурттугларым! Кайгамчык байырлал – Ада-чурт камгалакчызының хүнү-биле чүректиң ханызындан чедирген изиг байырымны хүлээп ап көрүңер! 

 Бистиң Төрээн чуртувусту камгалап келген болгаш ам-даа камгалап турар кижилерге, Ада-чурттуң Улуг дайынының хоочуннарынга, Афганистанга болгаш бөмбүрзектиң өске-даа чаалыг шөлдеринге боттарының шериг хүлээлгезин күүседип чораан интернационалчы дайынчыларга, делегей терроризминге удур дайынчы хөделиишкинерниң киржикчилеринге, Россияның айыыл чок чоруун болгаш национал эрге-аржыктарын камгалаар херекке боттарының дайынчы күш-ажылы-биле төлептиг салыышкынны киирип турар бүгү кижилерге улуг хүндүткелди көргүзүп, өөрүп четтириишкинни илередип тур бис.  

 Бистиң удуртукчуларывыс – Россияның Президентизи Владимир Владимирович Путинге болгаш Россияның камгалал сайыды Сергей Күжүгетович Шойгуга деткимчениң болгаш изиг күзээшкинниң онза сөстерин чугаалаар апаар.  

 Сөөлгү чылдарда дыка хөй өскерилгелер бистиң чуртувуска болган, ынчалза-даа Төрээн чуртунга ынакшыл болгаш ону камгалаарынга белен чорук мурнуку дег, Россияның хамаатызы кижиниң эң кол хүлээлгези болгаш ат-алдарының херээ болуп арткан. Дайынчы туружунда азы тайбың ажыл-херек бүдүрүп турар российжи кижи бүрүзү хамыктың мурнунда Ада-чурттуң, улуг Төрээн чуртунуң болгаш бодунуң булуңунуң камгалакчызы болуп турар.  

 Ада-чурт камгалакчызының хүнүнде кижи бүрүзү Улуг Россияның салым-хуузу-биле тудуш холбаалыын, чурттуң болгаш ооң хамаатыларының келир үези дээш харыысалгалыын онза медереп билири чугула. Улуг салгалдың биске арттырып каан кайгамчык чаңчылдарының төлептиг салгакчылары болуулуңар!  

 Бистиң хоочуннарывыска кадыкшылды болгаш хөй чыл чурттаарын, солдаттарга болгаш офицерлерге албан-хүлээлгезинге чедиишкиннеринни, республиканың бүгү чурттакчыларынга чаагай чүүлдерни, аас-кежиин, тайбың дээрни күзедим!