Тывага Шагаа дүнезинде, февраль 26-дан февраль 27-же 22:00 шактан 05:00 шакка чедир, буддийжи мөргүл номнарын интернетке дорт дамчыдар

 «Шагаа дүнезинде эртер буддийжи мөргүл номнарының интернет таварыштыр дорт дамчыдылгазын организастаар дугайында солун дилеглиг чаңгыс эвес чагаа аңгы-аңгы чурттардан болгаш хоорайлардан меңээ келген. Ай санаашкыны-биле Чаа чылда төрээн Тывазы-биле кады, ооң чаагай чоруу дээш тейлеп, республикада болуушкуннарга киржиксеп турар чаңгыс чер-чуртугларывыстың изиг күзелдии дыка эки-дир!» 

 Тываның Информатизация болгаш харылзаа яамызы, «Тывасвязьинформ» ПАН, «Тува 24» телеканал, «Чингис-Хаан» ХАН-ның деткимчези-биле дорт дамчыдылганы организастаан. Интернет четкизинде youtube.com-да https://www.youtube.com/c/ПрямаяТрансляцияТыва албан-езузунуң каналынга, ТСИ-ниң tuva.ru сайтызынга база «Голос Азии» радиостанцияның чалгыгларынга дамчыдылганы көрүп болур.