Тываның Баштыңы Одалга яамызын ведомствога хамааржыр бүдүрүлгелерниң шалың төлевирин саададып турары дээш шүгүмчүлээн

 Понедельникте, аппарат хуралында, регионнуң баштыңы Шолбан Кара-оол Тываның Одалга болгаш энергетика яамызының ажылын сойгалаан. 

 «Тываның Одалга болгаш энергетика яамызының ведомство бүдүрүлгелеринде байдалды билбейн тур мен, чижээ Хову-Аксының ЧЭТ ажылчыннарның акша-шалыңы-дыр - деп, Тываның Баштыңы Шолбан Кара-оол чугаалаан. 

 - Роман Викторович, чүге ыыттавас силер, ол Силерге эки эвес уржуктарны эккеп болур. Байдалды кичээнгейден салбазын Силерден диледим, ылаңгыя кышты эки эрттирип алыр дээш. Өзек айтырыг ол-дур. Кижилер одакчылап ажылдааш, ажылының төлевирин албазы – канчап-даа таарышпас. Силер шалыңыңар ап турар, а бажыңнарда чылыгны хандырып турар кижилер акша-шалыңын албаска кайыын боорул. Ону мен билип алыксап тур мен. Шалың төлевириниң айтырыы эң чугула айтырыг-дыр, кандыг-даа адырның удуртукчузу ону онза кичээнгейге тудар ужурлуг.