Тываның Баштыңы ажыл-агыйжы сургакчылаашкын-биле Москва хоорайда

 Тываның Баштыңы Шолбан Кара-оол 2017 чылда федералдыг инвестиция программаларындан республиканың дилээни акшаландырыышкын хемчээлин камгалаарынче Тывадан сенатор биле Күрдуманың депутаттарын киириштирер. 

 Февраль 5-те республика Баштыңы Москвада Тываның төлээ черинге Лариса Шойгу, Мерген Ооржак база Людмила Нарусова-биле регионнуң субсидия акшаландырыышкынынга чагыгны камгалаар айтырыгларлыг ажылчын хуралды эрттирген. 

 «Берге-даа бол, Тывага дузаның хемчээлин болгаш негелдезин тодарадырда, чагыгларны барымдаалап, онза хамаарылганы чедип алыр херек» - деп, бодунуң блогунда ажылдың сорулгазын дыңнаткан.  

 Республика Баштыңының Москвада ажыл-агыйжы планында – РФ-тиң Федералдыг Чыыжының Федерация Чөвүлелиниң даргазы база РФ-тиң Чазааның Даргазының оралакчызы Дмитрий Козак-биле регионнуң социал-экономиктиг хөгжүлдезиниң дугайында ооң мурнунда хүлээп алган шиитпирниң күүселдезиниң айтырыгларын чугаалажыры кирген.