06.02.2017
Чазак бажыңынга Тыва Республиканың Онза байдалдар болгаш хамааты камгалал албаны республиканың чазаанда Онза байдалдарны болдурбас болгаш чайладыр база өртке удур айыыл чок чорукту хандырар талазы-биле комиссияның хуралын эрттирген.
Бо чылын өрт айыылының база суг үерлээшкининиң үезинге белеткел талазы-биле планнаан хемчеглерни сайгарып чугаалашкан.
Өрт айыылының сезону – март 30-ге чедир шупту яамылар болгаш күүсекчи эрге-чагырга органнары дараазында чүүлдерни кылыр:
- шупту кудуктарны ажылдадыр, электри энергиязын өжүрер апарза, чырык хандырылгазының курлавыр дөзүн белеткээр;
- суг алыр черлер чоогунга тускай черлерни тудар ажылдарны организастаар.
Суг үерлээшкининиң үезинге, азы апрель 25-ке чедир:
- Улуг-Хемниң дожунуң кылынын хемчээр, суг чарыгдалын санаар;
- Каа-Хем биле Бии-Хемниң дожунуң, эрип болур харның хемчээлин шинчилеп, ооң дугайында медээни киирер;
- 2017 чылда Тыва Республикага бооп болур суг үериниң шын медээзин бээр;
- суг хенертен улгадып эгелээр болза, суг хемчээр постуларга хондур дежурствону организастаар;
- республиканың хемнеринде баткан доштуң муңгашталып болур черлерин тодарадыр.
Тыва Республиканың Онза байдалдар болгаш хамааты камгалал албанының «изиг шугум» 3-16-16 телефонунче медээлерни бээр. Берге байдалдарда «101», «112»-же долгаар.