2017 чылда биче болгаш ортумак бизнести хөгжүдеринге Тыва федералдыг субсидия кылдыр 23 млн. 433,3 муң рубльди алыр

 Бо неделяда РФ-тиң Чазаа 82 регионга «Экономиктиг хөгжүлде болгаш инновациялыг экономика» күрүне программазының акша-хөреңгизин үлээн. 

 Субсидия деткимчези-биле бизнесте кижилерниң санын көвүдедип, сайгарлыкчыларга бодунуң ажыл-херээн сайзырадырынга таарымчалыг байдалдарны тургузар деп, чазак даргазы Дмитрий Медведев тайылбырлаан. 

 Дөрт угланыышкын талазы-биле регион чарыгдалдарынга кады акшаландырыышкынны хүлээндирип, акша-хөреңги-биле дузалаарын документиде айыткан. Биче болгаш ортумак бизнеске саң-хөө дузазын көргүзеринден аңгыда, регион болгаш муниципалдыг өнчү объектилеринче инвестицияларны киириштирер, аныяктарның сайгарлыкчы чоруун деткиир, бизнеске «чаңгыс соңгадан» ачы-дузаны көргүзер.