Генерал-полковник В. Зарудницкий Тываның Баштыңынга: Россияның Президентизи Силерге хүндүткелди көргүскен
01.02.2017
РФ-тиң Президентизиниң Чарлыы езугаар Найырал ордени-биле шаңнатканы дээш Тываның Баштыңы Шолбан Кара-оолдуң адынга байыр чедириишкиннери кээп турар. Төп шериг округунуң командылакчызы, генерал-полковник Владимир Зарудницкий аңаа бир дугаарында байырны чедиргеннерниң бирээзи:
«Хүндүлүг Шолбан Валерьевич! Силерге бедик күрүне шаңналы - Найырал орденин тывысканы дээш сеткилимниң ханызындан эң-не чылыг байыр чедириишкинин хүлээп ап көрүңер.
Россия Федерациязының Президентизи, Россияның Чазаа республиканың социал-экономиктиг хөгжүлдезинге улуг үлүг-хууну киириштирип, ак сеткилдиг ажылды көргүскен арга-дуржулгалыг, шимченгир, идепкейлиг удуртукчу дээш Силерге ханы хүндүткелди көргүскени ол.
Амыдырал-чуртталгаңарда бо чугула болгаш онзагай болуушкун-биле байырны чедирип, Ада-чурттувустуң чаагай чоруу дээш Силерниң хөй талалыг болгаш харыысалгалыг ажыл-чорудулгаңарга чаа-чаа чедиишкиннерни сеткилим ханызындан күзедим. Хүндүткел-биле, Төп шериг округунуң шериглериниң командылакчызы, генерал-полковник Владимир Зарудницкий»
2015 чылда, РФ-тиң Президентизиниң Чарлыы-биле, Тываның Баштыңы Шолбан Кара-оолду ниитилелде чоннарның болгаш шажынның аразында тайбыңны болгаш чөпшээрежилгени быжыглаарынга улуг үлүг-хуузу дээш «Ада-чурттуң мурнунга ачы-хавыяазы дээш» орденниң II чергези-биле шаңнаанын сагындыраал.
Возврат к списку
|