2017 чылдың февраль 1-ден ай санының акша төлевиринге индексацияның дугайында

 Эрткен чылын чуртта инфляция деңнелин санааш, 2017 чылдың февраль 1-ден ай санының акша төлевирин (ААТ) 5,4 хуу өстүрген.  

 Амгы хоойлужудулга езугаар, ААТ-тың хемчээлин чылда чаңгыс катап өстүрер. Бо чылдың февральдан индексациялаар ЧАТ-тың түңүнде элээн каш социал ачы-дузалар кирип турар болгаш, айда ол 1048,97 рубль болур:

  - 807,94 рубль — эм-таң төлевиринге; 

 - 124,99 руб. — санаторий-курорт албан черлеринче путевка төлевиринге;  

 - 116,09 руб. — хоорай кыдыынга база хоорайлар аразынга демир-орук транспортунга чоруурунуң төлевиринге. 

 Бистиң республикавыста 2648 кижиге ай санының акша төлевирин өстүрер, оларның санында: 

 1-ги бөлүктүң инвалидтери – 2615 кижиге – ай санының акша төлевири 181,29 рубльге өзер болгаш, ол 3538,52 рубль болур;  

 2-ги бөлүктүң инвалидтери – 9040 кижиге - ай санының акша төлевири 127,47 рубльге өзер болгаш, ол 2527,06 рубль болур;  

 3-кү бөлүктүң инвалидтери – 8588 кижиге - ай санының акша төлевири 103,64 рубльге өзер болгаш, ол 2022,94 рубль болур;  

 Инвалид уругларга – 2306 кижиге - ай санының акша төлевири 127,47 рубльге өзер болгаш, ол 2527,06 рубль болур;  

 Ада-чурттуң Улуг дайынының инвалидтери болгаш киржикчилери – 20 кижиге - ай санының акша төлевири 258,94 рубльге өзер болгаш, ол 5054,11 рубль болур.