Тывада чажыт арага садыглаашкынынга удур рейдилер уламчылап турар

 Республика Баштыңының чарлыы-биле чажыт арага продукциязы биле «Боярышник» хандызын садып турарын илереткен рейдилер чер-черлерде уламчылавышаан. Тываның Ажыл-чорудулганың чамдык хевирлеринге чөпшээрел бээр албанның, РФ-тиң ИХЯ-зының Кызыл хоорайда эргелелиниң ажылдакчылары рейдиде киржип турар. 

 Рейдиниң киржикчилери хуу сайгарлыкчылар болгаш юридиктиг черлерниң Тыва Республиканың девискээринде арага болгаш спирт холумактыг продукция аймаан садарынга кызыгаарлаашкынны таарыштырган чурумну сагып турарынга хыналданы кылган. 

 Бөгүн, январь 20-де, Кызыл хоорайда арага болгаш спирт холумактыг продукция садып-саарып турар 8 садыг черлерин хынаан. Арага продукциязын чажыт садып турар 2 барымдааны илереткен:

  - Кызыл хоорайның Красноармейская кудумчузунуң 163 дугаар бажыңында «Березка» садыындан 12 шил арага продукциязын хавырган: 0,5 литр хемчээлдиг 10 шил «Талка» база 0,5 литр хемчээлдиг 2 шил «Родник Сибири» деп аттыг водкаларны. «Березка» садыының арага продукциязын чаңгыстап садар чөпшээрели чок. РФ-тиң ИХЯ-зының Кызыл хоорайда эргелелиниң ажылдакчылары РФ-тиң АЧдХ езугаар административтиг протоколду тургускан.

  - Кызыл хоорайның Красноармейская кудумчузунуң 163 дугаар бажыңда «Хлеб» павильон–киосктен 0,5 литр хемчээлдиг 4 шил «Пять озер» водканы хавырган. Ол садыг чериниң база арага садар чөпшээрели чок. РФ-тиң ИХЯ-зының Кызыл хоорайда эргелелиниң ажылдакчылары РФ-тиң АЧдХ езугаар административтиг протоколду тургускан.  

 Тываның Ажыл-чорудулганың чамдык хевирлеринге чөпшээрел бээр албаны рейдилерни ам-даа уламчылаарын дыңнаткан.