Тываның коммерцияга хамаарышпас организацияларын регион субсидиялары-биле деткээн
23.12.2016
Тыва Республиканың Күш-ажыл яамызы наркотиктиг болгаш албаарадыр бүдүмелдерни эмненир сорулга-биле эвес ажыглап турар кижилерниң реабилитациязын болгаш ресоциализациязын чорудар төлевилелдерниң конкурузун түңнээш, коммерцияга хамаарышпас ийи организацияга Тываның бюджединден субсидияны бээрин шиитпирлээн.
Туран хоорайда сагыш-сеткил эдип-чазаар православ төп биле «Дамырак» автономнуг коммерческаяга хамаарышпас организация деткимчени алырлар. Бо ийи организация наркоманнарны анаа амыдыралче эгидер хемчеглерни эрттирип турар. Буянныг үүлезин ам-даа уламчылаарынга 150 муң база 350 муң рубль түңнүг саң-хөө дузазын алырлар.
ТР-ниң Күш-ажыл яамызы «2014-2016 чылдарда хоойлуга чөрүштүр наркотиктерни саарарынга удур хөделиишкин» регион программазында КХО-ны акшаландырары көрдүнгенин тайылбырлаан. Ол ажыл-чорудулгага көрдүнген субсидияның ниити хемчээли 0,5 млн. рубльге дең.
2016 чылда Тываның эрге-чагыргазы ол ийи КХО-дан аңгыда, коммерцияга хамаарышпас 13 организацияга ниити түңү 1 млн. рубль субсидияларны берген. Назылап кырааннарның амыдырал-чуртталгазының байдалын экижидеринче, ивалидтарның базы оларның өг-бүлелериниң социал адаптациязынче угланган, база ол ышкаш чырыдыышкын адырында база патриотчу кижидилге төлевилелдерлиг КХО-лар дузаны алган.
Возврат к списку
|