Тыва – социал-политиктиг турум байдалдың ноябрь рейтингизинде, Сибирьде мурнукуларның одуруунда

 «Петербургская политика» фондунуң ай санында белеткеп турары социал-политиктиг турум чоруктуң рейтингизинде, Россияның эң-не турум регионнарының аразында, Тыва ам база арткан.  

 Фондунуң эксперттериниң үнелели-биле алырга, келир чылда бюджеттиң дүшкүүрлүү база регионнарга саң-хөө дузазының үлүү кызырлыры чадап чок дугайында федералдыг төптен дүвүренчиг медээлер турзажок, ноябрьда республикада байдал тайбың. 

 Сибирьниң 12-ги регионунуң аразында Тыва социал-политиктиг турум чоруу-биле, Томск облазының соонда, ийиги черни ээлеп турарын демдеглээр апаар. Рейтингиге ооң мурнунда баштап турган Кемерово облазы ам Тываның соонда. СФО-нуң ийи региону – Хакасия биле Алтай край – ортумак турум байдалдыг бөлүкче кирген. Эксперттер Красноярск крайда, Омск облазында база Алтай Республикада байдал шоолуг эвезин айыткан. Эң-не берге бөлүкке Забайкалье край, Бурятия, Иркутск база Новосибирск областар хамааржыр.

 Чурукта: "Петербургская политика" фондунуң баштыңы Михаил Виноградов.