- Главная
- Правительство Республики Тыва
- Деятельность
- Поручения
- Документы
- Кадровая политика
- Противодействие коррупции
- Обращения и прием граждан
- Бюджет Республики Тыва
- Год здоровья
- Государственные закупки
- Список системообразующих организаций и предприятий Республики Тыва
- Информационные системы, базы данных, реестры, регисты
- Формирование городской среды
- Национальные и губернаторские проекты
- Реформа контрольно-надзорной деятельности
- Безопасность
- Антитеррористическая комиссия Республики Тыва
- Государственные доклады
- Координационные и совещательные органы при Правительстве Республики Тыва
- Обеспечение общественного порядка и противодействие преступности в Республике Тыва на 2021 - 2024 годы
- НПА определяющие полномочия Правительства Республики Тыва
- Экономика
- Градостроительная деятельность в Республике Тыва
- Перечни объектов недвижимого имущества, находящихся в государственной собственности Республики Тыва и собственности муниципальных образований Республики Тыва
- Рейтинг муниципальных образований
- Военный комиссариат Республики Тыва
- О республике
- Инвестиционный паспорт
- Интернет-приемная
- Официальные документы
- Контакты
- Онлайн-голосование
|
|
Тываның Баштыңы: Россияның Көдээ ажыл-агый яамызы улуг хардан когараан малчыннарга дузалаар
03.12.2016
Россия Федерациязының көдээ ажыл-агый сайыды Александр Ткачев Тываның Баштыңы Шолбан Кара-оол-биле декабрь 2-де Москвага ужурашкан. Республикада мал ажыл-агыйының хөгжүлдези, анаа болгаш хоолулуг мал чеми-биле хандырылга, ук адырда күрүне деткимчези-биле холбашкан айтырыгларны, биче хемчээлдиг ажыл-агыйларны база көдээ территорияларны деткииринче онза кичээнгейни угландырарын ийи тала чугаалашкан.
Регионнуң көдээ ажыл-агыйын хөгжүдер кол угланыышкын – мал ажыл-агыйында деп, ужуражылга үезинде Шолбан Кара-оол дыңнаткан. Республиканың үндезин чонунуң ижи ында болгаш ажыл-агыйның ол хевирин башкарып өөренген.
Александр Ткачев Тыва Республикада мал ажыл-агыйының эки көргүзүүн база көдээ ажыл-агый бүдүрүкчүлеринге күрүне деткимчезиниң акша-хөреңгизи үезинде чедип турарын демдеглээн.
«Мал ажыл-агыйының хөгжүлдезинче күштерни мөөңнээр херек. Республиканың агаар-бойдузунуң шириинин өөренип көргеш, кышкы үеде малга бээр мал чеминиң хереглелин шын санаарын ажыглаар» - деп Александр Ткачев сүмелээн.
Бо чылдың ноябрь эгезинде чагган улуг хар республиканың малчыннарынга аар уржуктарны чедиргенин федералдыг сайытка дыңнаткан. Тываның хардан когараан кожууннарында көдээ ишчилерниң каражазы 312,6 млн. рубль хире. Тываның ол кожууннарында онза байдалдан чидиригни эвээжедир база малдың массалыы-биле кырлырын болдурбас дээш мал чемин садып алырынга акшаландырыышкынны тускайлаарын Шолбан Кара-оол дилээн.
Тыва Республикада агаар-бойдустуң берге байдалдары-биле холбаштыр федералдыг интервенция фондузунуң курлавырындан 15,5 муң тонна 5-ки класстың кызыл-тазы биле арбайны аңгылаарын Александр Ткачев дыңнаткан.
Көдээ территорияларның хөгжүлдезин, ажыл-агыйның бичии хевирлеринге грант деткимчезин база республикага көдээ ажыл-агый хереглекчилер кооперативин тургузарын база сайгарып чугаалашкан.
«Амгы үеде Тыва Республикада эгелеп чоруур фермерлерге грант деткимчезин көргүскен «Аныяк өг-бүлеге кыштаг» губернатор төлевилели күүсеттинип турар. Күрүне баштыңының чүүлдүгзүнүп деткээн төлевилели-биле 105 санныг фермер ажыл-агыйлары тургустунган. Бо чылын Тывада уксаалыг ажыл-агыйларның саны 28 турганындан 35 четкен, малдың баш саны 1 муңга көвүдээн» - деп Шолбан Кара-оол илеткээн.
Россияның Көдээ ажыл-агый яамызы фермерлерни деткиир дээш идепкейлиг ажылдарны чорудуп турарын Александр Ткачев айыткан.
«Бо чоокку чылдарда регионнарның сорулгазы – фермер ажыл-агыйларның база көдээ ажыл-агыйлыг хереглекчилер кооперативтериниң санын каш катап көвүдедери болур» - деп Россияның Көдээ ажыл-агый яамызының удуртукчузу ол угланыышкын-биле ажылдаар сорулганы салган.
Тываның Баштыңы Шолбан Кара-оол Россияның көдээ ажыл-агый сайыды Александр Ткачев-биле ужуражылгазының түңнелин дыңнаткан:
«Бистиң фермерлеривиске ийи эки медээлиг мен: бирээзи эки, өскези … база эки. Россияның Көдээ ажыл-агый яамызы бо кыжын улуг хардан когараан малчыннарывыска дузалаар болган – бирээде ол. Федералдыг сайыт Ткачев Александр Николаевич-биле бистиң чидиг айтырыгларывыс дугайында чугаалаштывыс. Боду база көдээ ишчи болгаш, көдээ бизнестиң болгу дег шупту айыылдарын дыка эки билир кижи, ынчангаш мээң чугаамны билиишкин-биле хүлээп, Тываның малчыннарынга немелде мал чемин садып алырынга дузалажыр болду. Ам бистиң сорулгавыс – ажыл-агыйларга онза кыштың уржуундан бооп болгу дег чидириглерни эвээжедир дээш ол дузаны ажыглаар. Ийиги эки медээ – 2017 чылда Тывага аңгылаан, көдээ ажыл-агый бүдүрүкчүлерин деткиир субсидияның хемчээлин хевээр арттырарын Александр Николаевич аазады. Ол эң чугула, чүге дизе чаа чылдан эгелеп федералдыг субсидияларны чаа методика-биле, кады акшаландырыышкын үлүүн киирер принцип-биле санап эгелээр. Шириин агаар-бойдустуг Тывага онза арга херегин Александр Николаевич Ткачев билир деп бодаар мен».
|
|