Ыраккы Кунгуртугда дизельдиг чаа электростанцияны ажылдаткан

 Ыраккы Тере-Хөл кожууннуң Кунгуртуг суурда бирээзи-ле 200 кВт күчүлүг дизельдиг ийи электростанцияны ажылдаткан.  

 ТР-ниң одалга болгаш энергетика сайыдының дужаалы езугаар, яамының чылыг хандырылгазын хандырар килдизиниң начальниги Бады-Саган Э.А. ында ажылдап турар. Суурнуң чурттакчылары станцияны ажылдадып эгелээниниң баштайгы минуталарында-ла четкиде чырыктың чырыыры экижээнин эскерип каан. Кызыл-Хая суурда тургускан шак-ла ындыг система бодун эки талазындан көргүскен. 

 Кунгуртуг суурга подстанцияларны ам-даа немээри база ВЛ-10кв катап тургусканы-биле чырык дамчыдылгазының шугумнарын чаартыр ажылдарны чайын кылыры - яамының планында.