Лариса Шойгуну «Шылгараңгай күш-ажылы дээш» Тыва Республиканың медалы-биле шаңнаан

 Россияның Күрүне Думазының депутады Лариса Шойгуга «Шылгараңгай күш-ажылы дээш» Тыва Республиканың медалын Тываның Баштыңы Шолбан Кара-оол республика чазааның кежигүннериниң мурнунга тывыскан. 

 Регионнуң Баштыңы ук шаңналды Лариса Кужугетовна Шойгуга тыпсып тура, ооң төрээн республиказы дээш күш-ажылын болгаш тура-соруун демдеглээн. «Тыва Республиканың социал-экономиктиг хөгжүлдезинге киирген үлүүңер, хөй чылдар

 да карак кызыл күш-ажылыңар дээш өөрүп четтириишкинни силерге Тываның Чазааның кежигүннериниң мурнундан илередирин чөпшээреп көрүңер» - деп, регионнуң удуртукчузу демдеглээн. 

 Тыва Республиканың күрүне шаңналын алыры дыка өөрүнчүг-дүр деп, депутат Лариса Шойгу чугаалаан.

  «Мээң ажылымга мындыг бедик үнелел дээш, улуу-биле четтирип, өөрүп тур мен» - деп, ол өөрүшкүзүн илереткен.  

«Лариса Кужугетовна-биле кады улуг орукту эрткен бис. Республиканың талазындан шаңнал-макталга ол төлептиг. Бөгүн сеткиливис ханызындан байырны чедирип, чаа орукту тургузуп тура, Күрүне Думазынга бюджетти камгалаар талазы-биле шыңгыы ажылды кады кылырын дугуруштувус» - деп, Тываның Баштыңы Шолбан Кара-оол бодунуң блогунда бижээн.