ТЫВА РЕСПУБЛИКАДА КОЖУУННАР АРАЗЫНДА ОНЗА БАЙДАЛДЫҢ ЧУРУМУН ЧАРЛААН

 2016 чылдың ноябрь 11-де Тыва Республиканың Чазаанда Онза байдалдарны баш бурунгаар сагындырар болгаш чайладыр база өрт-халаптың айыыл чок чоруун хандырар талазы-биле комиссияның ээлчег чок хуралының № 24 протоколунга үндезилеп, 2016 чылдың ноябрь 2-5 хүннеринде Тыва Республиканың девискээринге улуг хар чагганын барымдаалааш, 2016 чылдың ноябрь 4-те республика девискээринге чарлаттынган «Эң белен чоруктуң» чурумун күш чок деп санааш, ТР-ниң девискээринге - Бай-Тайга биле Барыын-Хемчик кожууннар аразында онза байдалдың чурумун 2016 чылдың ноябрь 11-ден эгелеп чарлаан.  

 Кожууннар аразында онза байдалдың уржуктарын чайладыр талазы-биле ажылдарның удуртукчузунга ТР-ниң Чазааның Даргазының оралакчызының хүлээлгезин күүседип турар Б.Н. Монгушту томуйлаар.