Тывага Наадым-2016 байырлалы август 14-те болур
27.07.2016
Тываның Чазаа 2016 чылда чоннуң Наадым байырлалын август 14-те эртирер хүннү тургускан. Ооң дугайында шиитпирни бөгүн, июль 27-де хүлээп алган.
Кызыл кожууннуң территориязында Тос-Булак деп черге, ооң мурнунда чылдарда ышкаш, 2016 чылдың Наадым байырлалының кол хемчеглери эрттерин, Тываның Чазааның Даргазының оралакчызы Анатолий Дамба-Хуурак дыңнаткан. Чазактың ол-ла хуралынга, байырлал хүнүнге таварышкан август 14-түң дыштаныр хүнү - улуг-хүннү август 16 – вторникче шилчиткен.
Республика Наадымын Тыва Арат Республиканың тургустунганындан бээр 95 чыл юбилейинге база 2016 чылды Тываның Баштыңы Шолбан Кара-оолдуң саналдааны езугаар Тывада хүндүлээчел чоруктуң чылынга тураскаадып эрттирер. Чазак Наадымны байырлаарының культура-массалыг хемчеглерин белеткээр даалганы оргкомитетке онааган. Байырлал хемчеглери эртер Тос-Булакты база өске-даа девискээрлерни чаагайжыдып, арыглап аштаар субботниктерни организастаарын Кызыл кожууннуң чагыргазынга база Кызыл хоорайның мэриязынга сүмелээн.
Возврат к списку
|