Тываның Чазаанга ээлчеглиг одалга сезонунга белеткел айтырыгларын чугаалашкан

 Тыва Республиканың Баштыңының бирги оралакчызы Владимир Фалеевтиң даргалаашкыны-биле, республиканың чылыг-энергетика комплекизиниң, чуртталга-коммунал ажыл-агыйының база социал адырның объектилерин үезинде шынарлыг белеткээриниң талазы-биле айтырыгларны чугаалашкан. 

  2016 чылдың июль 25-тиң байдалы-биле алырга:  

 - 122,2 млн. рубль азы планның 40 хуузун акшаландырган, ооң 75,1 млн. рубли - бүдүрүлгелерниң боттарының, 42,7 млн. рубли - республика бюджединиң, 1,13 млн. рубли - муниципалдыг бюджеттиң база 3,1 млн. рубли - АМК фондузунуң акша-хөреңгизинден үнген; 

 - 2016/2017 чылдың одалга сезонунга чылыг-энергетика комплекизиниң объектилери 40 хуу белен («ЧЭК БК» ТР-ниң КУБ - 35 хуу, «Кызылдың ЧЭТ» АН - 55 хуу, «Тываэнерго» ААН - 54 хуу база «Тувгаз» АН - 40 хуу), ЧКА объектилери - 26 хуу база социал адыр объектилери – 50 хуу белен;

  - одалга сезону эгелээринге моондак чок улуг котельнаяларны белеткээр талазы-биле планныг хемчеглерни бо чылдың сентябрь 1-ге чедир доозар, сентябрь 15-ке чедир белениниң паспорттарын алыр.  

 2016/2017 чылдың одалга сезонунуң ажылдарынга белеткенир хемчеглерни боттандырып, ону үезинде доозарын хандырар харыысалгалыг кижилерни томуйлаан.