Тываның Баштыңы Шолбан Кара-оол Россияның камгалал сайыды Сергей Шойгунуң база бир сонуургалының дугайын таныштырган

 Тываның Баштыңы Шолбан Кара-оол Россияның камгалал сайыды Сергей Шойгунуң чурулгага сонуургалын көргүскен, бойдус чурумалын чуруп олурар чуруун өскелер-биле үлешкен. 

  «Өндүр кижилер бүгү талазы-биле дески талантылыг болур! Бодунуң биче төрээн черинде шөлээзинден ховар үези. 2016 чылдың июль. Тыва» — деп, Кара-оол чурукка тайылбырны берген.

 Сергей Шойгу акварель база графика-биле чуруурунга ынак. Оон аңгыда ыяштан янзы-бүрү чүүлдер чонарынга сонуургалдыг. 

  2012 чылдың сентябрьда Подмосковьениң Коломенск районунуң Черкизов суурунга эрткен «Русская провинция» экспозицияга сайыт бодунуң ажылдарын делгээн. 

  Камгалал сайыды Сергей Шойгу Тыва Республикада ындыг-ла улуг эвес Чадаана хоорайга төрүттүнген. Камгалал ведомствозунуң баштыңы бодунуң биче төрээн черинде улуг хүндүткелдиг. Ооң ада-иезиниң чурттап турган бажыңында, 2015 чылда, Шойгуларның өг-бүлезинге тураскааткан музейни ажыткан.