Июнь 30-ден июль 5-ке чедир Тывага өрт айыылы улуг хүннер дээрзин сагындырып тур

 Тываның гидрометеорология база долгандыр хүрээлел мониторинг төвүнүң дыңнадыы-биле алырга, Тыва Республикага июнь 30-ден июль 5-ке чедир 4-кү класстың, азы өрт айыылы улуг хүннер болур. 

  Тыва Республиканың ХК база ОБ агентилели регионнуң чурттакчыларынга болгаш аалчыларга айыыл чок чоруктуң дүрүмнерин сагып, оваарымчалыг болурун сагындырып тур:  

 транспорт аймаа-биле арга-арыгже кирерин кызыгаарлаар, одаг салбас, ыяшка чем белеткээрин шеглээр, арга-арыг фондузунуң черлеринде база территорияларында коммуналдыг боктарны, кургаг сигеннерни өрттетпес, өрт айыылы тургустунуп болур ажылдарны соксадыр.  

 Тываның Арга-арыг ажыл-агыйының күрүне комитединиң дыңнадыы-биле алырга, өрт айыылы улуг үеде, 1795,1 гектар арга-арыгга база арга-арыгга хамаарышпас 1147 гектар шөлге, азы ниитизи-биле 2942,1 гектар шөлдүг 57 өрт бүрүткеттинген. Июнь 30-ниң хүнүнде чаңгыс-даа өрт болбайн турар. 

  Бир эвес от ыжын азы өрт өөскээн черни эскерип кагзыңарза, Тыва Республиканың ХК база ОБ агентилелиниң 3-16-16 «изиг шугум» телефонунче азы «112», «101» телефоннарже дарый долгаарын дыңнаттывыс.