Өөредилге болгаш эртем сайыды Татьяна Санчааның Москвага сургакчылаашкынының түңнелдери

 Россия Федерациязының Өөредилге болгаш эртем яамызының хуралынга өөредилге болгаш эртем сайыды Татьяна Санчаа киришкеш келген. 

  «Школа-2025» Дирекция» төлевилелдиң сайгарылгазының үезинде, Тывага 825 олуттуг чаа школаны тудар талазы-биле дугуржулганы чарар айтырыгны база чугаалашкан. Ооң түңнели-биле чаа школа тудуунга немелде акшаландырыышкын айтырыы 2016 чылдың июнь 27-ге чедир шиитпирлеттинер.

 Оон аңгыда, Тыва Республикада ниити өөредилге организацияларында үш ээлчегде өөренип турарының чылдагаанын тодараткан база ону чок кылырының комплекстиг хемчеглерин («орук картазын») боттандырарынга тураскааткан хуралдың ажылынга база киришкен.  

 Новосибирск областың өөредилге, эртем база инновация политиказының сайыды Сергей Нелюбов-биле ужурашкаш, өөредилгениң шынарынга демдек салыр адырга, эксперттерни өөредиринге кады ажылдажылганың база ол ышкаш электроннуг яамыга база электроннуг школага программа продуктузун дамчыдарының дугайында дугуржулганы чарган.