Шолбан Кара-оол Карелияның Баштыңы биле Москваның мэринге Сямозеро хөлге чаштарның айыыл-халапка таварышкаш мөчээни-биле кажыыдалын илереткен

 Истелгениң тайылбыры-биле алырга, лагерьге дыштанып турган уругларның 47 кижиден тургустунган бөлүү болгаш 4 улуг кижи Карелия Республиканың Пряжинск районунга хөлдү кежип чораан. Уругларның болгаш улуг улустуң олурганы хемелер хөлге аңдарылган. Сөөлгү медээлер-биле 13 уруг чок болган. 14 дугаар уругну дилеп турар. Олар шупту Москва хоорайдан дыштанып келгеннер. 

 «Карелия болгаш Москвада бөгүн кажыыдал хүнү. Тываның хөй нациялыг чонунуң мурнундан бодумнуң коллегаларым – Москва хоорайның мэри С.С. Собянинге, Карелия Республиканың Баштыңы А.П. Худилайненге, ол ышкаш чок болган уругларның өг-бүлелеринге кажыыдалым илереттим. Кемдээн кижилерге дүрген экирип сегиирин күзедим» - Тыва Республиканың Баштыңының албан хүлээлгезин күүседип турар Шолбан Кара-оол бодунуң блогунда бижээн.

 Уругларның чок болганы-биле айыыл чок чоруктуң негелделерин хажыдып, аңаа дүүшпейн турар ачы-дуза чедиргениниң ужун кеземче херээн оттурган. Уруглар лагериниң инструкторун тудуп хоругдаан. 

 Сямозеро - Карелияның мурнуу кезээде эң-не улуг хөлдерниң бирээзи. Шуй хемниң бассейнинде турар. Сямозеронуң девискээри 266 дөрбелчин километр. Эң-не ханы чери - 24,5 метр, ортумаа - 6,7. Сямозерода - 80 ортулук бар.