Тимур Дулуш: Тываның Баштыңы Шолбан Валерьевич берге үеде республиканы удуртуп шыдаарын көргүскен удуртукчу деп санаар мен

 - Шолбан Кара-оолдуң соңгулдаларга киржир деп турарынга Тываның чурттакчызы болганымга өөрүп тур мен. Чүге? Чүге дээрге сөөлгү чылдарның кол чедиишкини – ниитилелде турум чорук. Ындыг байдал республиканың эрге-чагыргазынга Шолбан Валерьевич Кара-оол ажылдап эгелээрге тургустунган. Ам-на политиктиг чөрүлдээлер, парламентиниң бюджетти хүлээп албайн баар чоруу соксаан. Ам байдал турум, а ол келир үеге бүзүрел-дир. Сөөлгү үеде социал четкилерге чаргы кылыры нептерээн. Ындыг чөрүлдээлерни соксадып, демнежип алгаш, кады чидиг айтырыгларны шиитпирлээри чугула. Аңаа таарымчалыг байдал тургустунган. Келир соңгулдалар РФ-тиң Күрдумазынче соңгулдалар-биле кады эртери онза. Ол дээрге чоннуң, чурттуң салым-чолу дээш ийи дакпыр харыысалгалыг болуру-дур. Эң кол чүве соңгукчулардан, бистен шупту чүве хамааржыр дээрзин утпазы чугула. Чон төлептиг кижини соңгуп алырынга бүзүрээр мен. Бодум таламдан Шолбан Валерьевич бо чылдарның дургузунда республиканы удуртуп шыдаар дээрзин бадыткаан деп санаар мен.