Күрүне Думазының депутады Лариса Шойгу: Бистиң регионда - Тывада амгы байдалды Россияның президентизи эки деп үнелээн

 «Тываның Баштыңы Шолбан Валерьевич Кара-оол чурттуң Президентизинге республика хөгжүлдезиниң амгы байдалын илеткээн. Республикада аныяк өг-бүлелерни, көдээ ажыл-агыйының хөжүлдезин, сайгарлыкчы чорукту деткээн губернатор төлевилелдери чедиишкинниг боттанып турары дээш, чугаалаар чүүлдер бар-дыр. Ажылдың дыка эки бурунгаарлаашкынын чедип алган бис, ону хевээр арттырып, эгелеп алган төлевилелдерни эчизинге чедирер апаар. Шолбан Валерьевичиниң республика хөгжүлдезиниң кол айтырыгларының талазы-биле идепкейлиг ажыл-чорудулгазы ам бодунуң үре-түңнелдерин берип эгелээн, ынчангаш Россия Федерациязының Президентизи бистиң регионда амгы байдалды эки деп үнелээни ол. Тываның Баштыңын бо чылдың соңгулдаларынче идип үндүргенин база республиканың чугула айтырыгларын шиитпирлээринге ам-даа ажылдаарынга чондан деткимчени алыр дээнин, деткип тур мен. Амгы нарын экономиктиг байдалдар үезинде ындыг шиитпир шын болгаш үндезинниг. Ынчангаш Президент ону деткээн деп санаар мен!»