Тывада школачы чаңгыс аай хептиң эки хевири дээш конкурс чарлаттынган

 Тыва Республиканың күрүне болгаш муниципалдыг ниити өөредилге организацияларында өөренип турарларга школачы чаңгыс аай хептиң таарымчалыг хевирин тодарадыры-биле конкурсту чарлаан. 

 2016 чылдың март 10-дан апрель 10-га чедир конкурсту эрттирер. Конкурстуң дугайында чурумну Тыва Республиканың Чазааның 2016 чылдың март 2-де № 54 доктаалы-биле бадылаан.

 Конкурска киржир чагыгны Тыва Республиканың Экономика яамызының Үлетпүр килдизи хүлээп ап турар. Харылзажыр аргазы: телефон - 2-39-24, minekonomikirt2014@yandex.ru. 

 ТР-ниң Өөредилге болгаш эртем яамызының сайтызынга интернет-бадылаашкын-биле конкурстуң түңнелин үндүрер. Республиканың ниити өөредилге организацияларынга ажыглаарын сүмелээн школачы чаңгыс аай хептерниң элээн каш хевирлерин конкурстуң түңнели-биле илередир. 

 Школачы чаңгыс аай хептерге сүмелээн хевирлерниң техниктиг тайылбырын, өртек-үнезин база тус черниң бараан бүдүрүкчүлеринден садып алыр аргаларының дугайында дыңнадыгны Тыва Республиканың Өөредилге болгаш эртем яамызының сайтызындан билип алыр.