Информастыг ниитилелди тургузарынче угланган төлевилелдерни акшаландырар конкурс шилилгезин Тыва эрткен

 Россияның Комхарылзаа яамызы информастыг ниитилелди тургузары-биле холбашкан төлевилелдерни боттандырарынга федералдыг бюджеттен регионнарга субсидия бээриниң конкурс түңнелдерин февраль 29-та үндүрген. 

59 регионнуң чагыгларындан, Тыва-биле кады 25 регион шилилгени эрткен. Республиканың саналдааны информатизация төлевилелдери конкурстуң түңнели-биле, 2016 чылда 15 млн. рубльге акшаландырыышкынны алыр. РФ-тиң субъект бүрүзүнге 30 млн. рубль чедир түңнүг субсидия акша-хөреңгизи дээш чижилге улуг болза-даа, республика ол хире федералдыг деткимче акшазын алыр болганы – эки ажыл. 

 Автотранспорт башкарар талазы-биле системада өөренип турарларының учедунуң чаңгыс аай федералдыг системазының регион кезээн тургузуп, ону чедир ажылдаар, база КАЧП-ның чаңгыс майыын ажыглап электроннуг хевирге аңчы билеттерни бээр база хамааты байдал актызын бүрүткээр күрүне ачы-дузазының чорудуун ажылдап кылыр талазы-биле төлевилелдерни боттандырарынга субсидияларны бергенин, Тываның Информатизация яамызы дыңнаткан.