Тывада Улуг-Хем кожуундан арат «Чылдың директору - херээжен» мөөрейниң тиилекчизи
24.02.2016
«Чылдың директору - херээжен» бүгү-российжи мөөрейниң регион чадазын Тывага түңнээн. Биче болгаш ортумак бүдүрүлгелерниң, арат ажыл-агыйларының база хууда сайгарлыкчы чоруктуң удуртукчулары - чедиишкинниг ажылдап чоруур 10 хире кижиниң аразындан тиилекчини тодараткан.
Тиилекчилерни илередирде орулга хемчээлин көвүдеткенин, саарган бараанының чижилгелиин, бюджеттиң аңгы-аңгы деңнелинче киирилделериниң хемчээлин, ажылчыннар-биле күш-ажыл хамаарылгаларын чарганын, амгы үениң технолгияларын ажыглап турарын база саарылганың чаа рыногун шиңгээткенин көргенин, конкурс комиссиязын удурткан Тываның баштыңының оралакчызы Органа Натсак дыңнаткан.
Комиссия кежигүннери Улуг-Хем кожуундан «Идегелдиң чери» АТХ-ның баштыңы Алена Кууларны конкурстуң тиилекчизинче бир үн-биле шиилээш, өске номинацияларда тиилекчилерни база илереткен:
- «Чедишкинниг бизнес-леди» - «ДДД» КХН-ниң чиңгине директору («Горыныч» ресторан) Ольга Печенкина;
- «Социал-харыысалгалыг бизнес» - «Алдыы-Ишкин» КБК-ниң даргазы Долаана Сат;
- «Аныяк бизнес-леди» - школа назыны четпээн уругларга «Аистенок» төптүң чиңгине директору Айгуш Сат;
- «Өг-бүле бизнези» - школа назыны четпээн уругларга «Престиж» төптүң чиңгине директору Снежана Даваа;
- «Бизнестиң хоочуну» - «Сапожок» КХН-ниң директору Галина Хохрина.
2016 чылдың март 27-29-та, Москва хоорайга эртер бүгү-российжи мөөрейниң түңнел чадазынга киржиринге белеткенир кылдыр 100 муң рубльдиң сертификадын тиилекчиге тывыскан.
Возврат к списку
|