- Главная
- Правительство Республики Тыва
- Деятельность
- Поручения
- Документы
- Кадровая политика
- Противодействие коррупции
- Обращения и прием граждан
- Бюджет Республики Тыва
- Год здоровья
- Государственные закупки
- Список системообразующих организаций и предприятий Республики Тыва
- Информационные системы, базы данных, реестры, регисты
- Формирование городской среды
- Национальные и губернаторские проекты
- Реформа контрольно-надзорной деятельности
- Безопасность
- Антитеррористическая комиссия Республики Тыва
- Государственные доклады
- Координационные и совещательные органы при Правительстве Республики Тыва
- Обеспечение общественного порядка и противодействие преступности в Республике Тыва на 2021 - 2024 годы
- НПА определяющие полномочия Правительства Республики Тыва
- Экономика
- Градостроительная деятельность в Республике Тыва
- Перечни объектов недвижимого имущества, находящихся в государственной собственности Республики Тыва и собственности муниципальных образований Республики Тыва
- Рейтинг муниципальных образований
- Военный комиссариат Республики Тыва
- О республике
- Инвестиционный паспорт
- Интернет-приемная
- Официальные документы
- Контакты
- Онлайн-голосование
|
|
Тываның Баштыңының даалгазы-биле яамылар ажылдакчылары малчын турлагларны кезип турар
17.02.2016
Республика баштынының даалгазын күүседири-биле, күш-ажыл болгаш социал политика сайыдының бирги оралакчызы Эдуард Доржу Эрзин кожууннуң малчыннарын эргээн. Ол ужуражылгаларның бирээзи Тыва Республиканың алдарлыг малчыны, тараачын-арат ажыл-агыйның удуртукчузу Ирина Чигжитовна Дамбаның аалынга болган.
Малчынның коданынче оруктуң байдалы ажырбас дээрзин сайыттың оралакчызы демдеглээн. Четчир мал чемин белеткеп алганындан, ажыл-агыйда 1194 баш шээр, 47 баш бода, 111 баш чылгы малдың кыштаглаашкыны хүр менди, чидириг чок. Бо хонуктарда инектери төрүп эгелээн, 7 баш бызаа камгалап алдынган. Малчынның аалынга чорааш, Эдуард Доржу эрткен чылын кылып чоруткан ажылдарын, бо 2016 чылда чүү планнаттынып турарын чугаалаан.
2015 чылда тараачын-арат ажыл-агыйның баазазынга «Өг-бүлениң мал фермерлерин» деткиир Тываның Чазааның грантызы болур күрүне деткимчезин малчын алган. Ол акша-хөреңгизи-биле «УАЗ-фермер» автомашина, бүдүн комплектилиг МТЗ-82 трактор база чолдак кудуруктуг, тыва уксаалыг 107 баш хойну садып алган.
Малчынның аалынче үнүүшкүн үезинде кожууннуң терапевт эмчизи чурттакчыларны шинчээн, а мал эмчизи мал эмнери-биле четчелээн.
Муң малдыг малчын Ирина Дамба база ооң өг-бүлезиниң кежигүннери сагыш човаашкыны дээш четтиргенин илереткеш, Шагаа байырлалы кожуунга канчаар эрткенин сонуургаткан. Мөргүл номчулгаларга, саң салыр езулалда чон хөй болган. Булуң-Бажы сумузунуң чурттакчылары Белдир-Оваазы (Чараш-Тей) деп черге, мөренчилер Оваа-Дашка, Эрзин биле Бай-Даг суурнуң эр чону Амбын-Хайыракан даанга хүннүң баштайгы херелдерин уткаан.
|
|