Кижилерниң сагыш - сеткилин билир

Мөңгүн-Тайгага элээди оолдар хар көшкезинге бастырыптарга, Москвадан дүрген ужуп келгеш, камгалал ажылдарынга боду киржип турган соонда: «Бедик албан-дужаалдыг-даа болза, бөдүүн кижилерниң сагыш-сеткилин билип, оларга херек кырында дузалап чоруур удуртукчу чонунга хүндүткелдиг. Чамдык даргаларга бодаарга, Кара-оол дузааргак чаңын каш-даа катап көргүскен» - деп, Тываның Баштыңының дугайында Россияның улуг парлалга черлериниң бирээзиниң тайылбырлакчызы чугаалаан.
   Ат-сывы, ажыл-херээ массалыг информация чепсектеринге бо-ла дыңналып турар Россияның чээрби губернаторларының аразынче Тываның Баштыңы кирген. Федералдыг медиарейтингиге Шолбан Кара-оол 45-ки чададан 18-ки чадаже көдүрүлген. Сибирь федералдыг округка ийиги черни ээлеп, Забайкал крайның удуртукчузу Константин Ильковскийниң соонда келген.