Тывада «Субедей» спорт комплекизи чаартынар

 Ооң дугайында Шолбан Кара-оол бодунуң блогунда дыңнаткан. 

 «Сүбедей» спорт комплекизиниң кырында бөмбүрүк дээвирни ажыглаарының магадылалдыг хуусаазы эрткен, ынчангаш ону чаартыры негеттинип келген. 

 «Күрүне Думазында бистиң депутадывыс Лариса Шойгу-биле кады ажылдажылга дыка үре-түңнелдиг бооп турар – деп, Шолбан Кара-оол санап турар. – Бо чылын «Сүбедей» спорт комплекизиниң кырында бөмбүрүк дээвирин чаартыр бис. Ооң түңнелинде «Сүбедей»-ниң ишти улам таарымчалыг апаар. 2016 чылда Кызылда республиканың эмнелге комплекизинде терапевт салбырының корпузун тударынга херек акша-хөреңгини федералдыг бюджетче киирери чедип алдынган, ол дээрге 440 миллион рубль-дир. Терапевт корпузун бо чылын албан тудуп доозары белен эвес сорулга. Ону ажыглалга киирери чүрек-дамыр аарыгларын эмнээрин улам экижидер болгаш нарын технологиялар-биле эмнээр аргаларны бээр».