Декабрь 11-де Тываның Баштыңының ТР-ниң Дээди Хуралынга Айыткалын интернет четкизинге дорт дамчыдар
10.12.2015
Декабрь 11-де Тываның Баштыңы Шолбан Кара-оол ТР-ниң Дээди Хуралынга (парламентизинге) Айыткалын бээр. 10 шакта Улусчу чогаадылга бажыңынга республика парламентизиниң депутаттары, муниципалдыг тургузугларның баштыңнары, федералдыг структураларның территориалдыг органнарының удуртукчулары, политиктиг партияларның болгаш хөй-ниити организацияларының төлээлери, шажын ажылдакчылары чыглыр. Регионнуң удуртукчузу Айыткалынга амгы социал-экономиктиг байдалга сайгарылганы кылбышаан, келир чылда республика хөгжүлдезиниң кол угланыышкыннарын айтыр.
Тыва Республиканың Баштыңының Айыткалын интернет четкизинге бир-ле дугаар дорт дамчыдар. Дорт дамчыдылга 10.00 шакта эгелээр, ооң мурнунда УЧБ-ниң залында келген киржикчилер эртип турар чылдың эң-не онзагай болуушкуннарын болгаш келир чылдан чүнү манап турарын кысказы-биле чугаалаарлар.
Тыва Республиканың Чазааның gov.tuva.ru, "Тывасвязьинформ" ААН-ның tuva.ru албан езузунуң сайтыларындан, ол ышкаш Тыва Республиканың Информатизация болгаш харылзаа яамызының арынында https://vk.com/minsvyaz_rtyva, «Тува в объективе»-ниң https://vk.com/newstuvatv, Тыва Республиканың Чазааның арынында https://vk.com/gov.tuva социал четкилерден дорт дамчыдылганы көрүп болур.
Возврат к списку
|