Тываның Баштыңы: Террордан кол чепсек – күрүнелерниң демнежилгези, чурт иштинде, булуң бүрүзүнде чоннуң бир демнии болур

 Субботада дүне Францияның найысылалы элээн каш террорисчи халдаашкынга таварышканын МИЧ дыңнаткан. Ооң уржуундан ийи чүс ажыг кижи балыгланган, 120-ден 153 хире кижи өлгенин дыңнадып турар. Францияның Президентизи Франсуа Олланд чуртка онза байдалды чарлаан. Парижтиң полициязы «Ислам күрүнеден» террористи туткан. 

 Парижке дерзии терросчи актылар-биле холбаштыр Россияның Президентизи Владимир Путин Францияның президентизи Франсуа Олландга база бүгү француз чонга ханы кажыыдалын илередип, эп-сеткил каттыштырылгазының болгаш деткимчениң сөзүн дамчыткан деп, российжи күрүнениң парлалга-секретары Дмитрий Песков дыңнаткан.

 «Бистиң чуртувустуң баштыңы В.В. Путин бүгү российжилерниң мурнундан Францияның Президентизинге болгаш француз чонга деткимчениң болгаш чаңгыс эп-сеткилдиң сөстерин дамчыткан. Паражке коргунчуг терактылар 150 ажыг кижиниң амы-тынын алгаш барган. Ол дээрге делегей ниитилежилгезинче чөңгээ-дир. Ындыг террорга удур кол чепсек – күрүнелерниң демнежилгези, чурт иштинде болгаш булуң бүрүзүнге чоннуң бир демнии болур» - деп Тываның Баштыңы Шолбан Кара-оол бодунуң блогунда бижээн.