Тываның Баштыңы оруктарга оваарымчалыг болурунче чолаачыларны кыйгырган

 Тываның Баштыңы Шолбан Кара-оол оруктар тайгактыг болганындан оруктарга оварымчалыг чоруурун чолаачыларга кыйгырган. 

 «Хүндүлүг чонум! Чоокку хүннерде хөй хар чаггаш, кыры эрип калган болгаш республиканың дөрт талазынче оруктар шупту кылама доштуг болу берген. Чайгы дугуйларлыг машиналарлыг узун орук чорбайн көрүңер. Кышкы дугуйларлыг безин оваарымчалыг, эмин эртир халытпазы чугула. Орукка үрели берген турар машинаның чаны-биле халдып эртпейн, чүзү канчап барганын айтырып, бот-боттарыңарга дузадан кадып чоруп көрүңер. Бистиң өгбелеривис бот-боттарын кезээде деткижип чораанындан күштүг чон чораан. Бис оларның салгалдары-дыр бис» - деп бодунуң блогунда Шолбан Кара-оол бижээн.