Тываның Баштыңы: Президент Владимир Путинниң удуртулгазы тургузуушкунче угланган

 Тываның Баштыңы Шолбан Кара-оол төрүттүнген хүнү-биле Россияның Президентизи Владимир Путинге байыр чедирген. 

 Ол байыр чедириишкининде мындыг сөстер бар: 

 «Хүндүлүг Владимир Владимир¬ович! Тываның хөй националдыг чонунуң өмүнээзинден болгаш бодумнуң хуумдан төрүттүнген хүнүңер-биле Силерге чүректиң ханызындан байыр чедирерин чөпшээреп көрүңер! Силер Россия Федерациязының хамаатыларының ниити-национал деткимчезин болгаш бүзүрелин чаалап алган российжи чоннуң баштыңы болдуңар. Силерниң мерген угаанныг, тургузуушкунче угланган удуртулгаңарның ачызында бистиң чуртувустуң ат-алдары делегей ареназынга өзүп, делегейниң хүн айтырыгларын шиитпирлээринге чугула боттуг рольду ойнап турар. Силер биске хамааты бедик туруштуг чоруктуң, ажыл-херекке шынчы болурунуң, Ада-чуртка кызыгаар чок бердинериниң үлегерин көргүзүп чор силер. Силерни күрүне болгаш политиктиг көскү ажылдакчы деп Тыва Республиканың чурттакчылары ханызы-биле хүндүлеп турар. Чаңгыс чер-чурттугларывыстың өмүнээзинден бистиң республикага чедирип турар бүгү талалыг үнелиг дузаңар дээш өөрүп четтириишкинниң сөстерин чугаалаарын чөпшээреп көрүңер.

  Төөгүлүг бо хүнде, хүндүлүг Владимир Владимирович, быжыг кадыкшылды, аас-кежиин болгаш улуг Россияның амгы болгаш келир үези дээш күрүнениң дээди хүлээлгелериниң күүселдезинге чедиишкиннерни күзедим! 

 Ханы хүндүткел-биле, Тыва Республиканың Баштыңы Ш.В. КАРА-ООЛ.