Октябрь 6-да РФ-тиң Айыыл чок чорук чөвүлелиниң секретарының үнүүшкүннүг хуралынга Тываның Баштыңы киржир
06.10.2015
Октябрь 6-да Красноярск хоорайга Россия Федерациязының Айыыл чок чорук чөвүлелиниң секретары Николай Патрушев Россия Федерациязының Президентизиниң Сибирь Федералдыг округунда бүрүн эргелиг төлээзи Николай Рогожкин-биле кады үнүүшкүннүг хуралды эрттирерлер. Ол хуралдың ажылынга Тываның Баштыңы Шолбан Кара-оол база киржир.
Хуралдың айтырыгларында айыыл чок чорукту хандырары-биле 2020 чылга чедир РФ-тиң наркотиктерге удур күрүне политиказының боттаныышкынын, база ол ышкаш арга-арыг үлетпүр комплекизинде чамдык ажыл-чорудулгаларны кеземче хоойлузундан чайладыр талазы-биле немелде хемчеглерни сайгарып көөрү планнаттынган, деп Сибирь федералдыг округтуң Аппарады дыңнаткан.
Возврат к списку
|