Тываның Баштыңы назы четпээн өөредилге ажылдакчыларының профессионал байырлалы-биле байырны чедирген

 Тываның Баштыңы назы четпээн өөредилге ажылдакчыларының профессионал байырлалы-биле байырны чедирген 2004 чылда элээн каш педагогика ниитилежилгелериниң саналы-биле бүгү назы четпээн өөредилге албан черлериниң кижизидикчиниң болгаш ажылдакчыларының хүнүн тургускан. Чыл санында ону сентябрь 27-де демдеглеп турар. 

  Тываның Баштыңы Шолбан Кара-оол назы четпээн өөредилге черлериниң ажылдакчыларының профессионал байырлалы-биле байырны чедирген: 

«Хүндүлүг назы четпээн өөредилге черлериниң ажылдакчылары болгаш хоочуннары, профессионал байырлалыңар-биле байырны чедирдим! Назы четпээннер педагогиказы болгаш уруг бүрүзүнүң салым-чолу бөгүн республиканың уруглар садында ажылдап турар 2,5 муң кижидикчи башкыларның эктинде. Кижизидикчи башкының сагыш-сеткили – чылыг-чымчак, эвилең-ээлдек, ажылынга ынакшылы, хүн бүрүде шимченгир күш-ажылы-биле онзагай. Билиишкиниңер, төрээн чериңерге ынакшылыңар, чогаадыкчы чорууңар, арга-мергежилиңер болгаш билиглериңер дээш четтирдим! Кадыкшылды болгаш бажыңнарга чаагай чорукту күзедим!» 

 Назы өөредилге албан черлериниң 226 уруглар садында 19,5 муң чаштар хаара туттунган. 2015 чылда назы четпээн өөредилгениң регион системазын модернизастаар талазы-биле хемчеглер планын боттандырарынга 171 млн. рубль көрдүнген, ооң 8 млн.-и – республика бюджединден.