Тываның энергетиктери республиканың кожууннарынче болгаш Кызыл хоорайның чамдыызынче чырык хандырылгазын катап тургускан

 Сибирьниң МРСК ("Россеть" ЭАН-ның бөлүүнде) ниитилелинге хамааржыр «Кызыл» 220 кВ подстанциязында озал-ондактың соонда Кызыл хоорайда болгаш республиканың кожууннарында чырыкты берип эгелээн. 

 Ук бүдүрүлгениң ажылдакчылары ийиги хүн ажылын онза чурум-биле ажылдан. Сентябрь 5-те 19.58 минута турда «Кызыл» 220 кВ подстанцияга (ЧЭЧ ФЧК – Сибирьниң РЭЧ) болган технологтуг үрелиишкинниң уржуундан «Тываэнерго» ААН-ның ажылын онза чурумче киирген турган. 

 Технологтуг үрелиишкин дугайында дыңнадыг келген дораан-на ниитилелдиң директору баштаан оперативтиг штабты тургускан. «Кызыл» подстанцияның бодунуң хереглелин хандырарынга көжүп чоруур дизельдиг станцияны салган. 

 Сентябрь 6-да 05.00 шакта хереглекчилерниң хөй кезиинче чырыкты берген. Чырык хандырылгазын дүрген бээри-биле Тываның энергетиктери компанияның курлавырында көжүп чоруур 9 дизельдиг электростанцияны ажылдаткан. «Сибирьниң РАЧК» ЭАН-ның «Хакасэнерго» биле «Красноярскэнерго» филиалдарындан 13 дизелдиг электростанцияларны Кызылга немей эккелген. «Тывэнерго» төп РЭЧ-тен 8 бригададан база Бии-Хем участогунда бир бригададан, шупту 58 кижини, 19 санныг техниканы дериг-херекселдер салырынга болгаш хайгаараарынга ажыглаан. 

 «Тываэнерго» реле камгалал албанындан 4 специалист «Кызыл» подстанциязының аварийлиг-катап тургузуушкун ажылдарында киржип турар. Социал объектилерже чырык хандырылгазының катап тургузуушкун ажылдарын мурнай чоруткан. Бир дугаарында Кызылдың эмнелгезиниң чырыын берген. 

  Сентябрь 7-де 9.00 шакта Тыва Республикада чырык энергиязының хереглекчилерин шуптузун кошкан. «Кызыл» 220 кВ подстанция күжү-биле ажылдап эгелээн. Штаттыг чурум езугаар хереглекчилерни кожуп турар. 

 Сибирьниң регионнар аразының таарыштырылга четки компаниязының изиг шугум телефону онза чурумда ажылдап турар. 8-800-1000-380 телефон дамчыштыр чырык хандырылгазынга хамаарыштыр чогуур медээни ап болур.