Тываның Баштыңының «Шын» солуннуң 90 чыл ою-биле байыр чедириишкини

 Хүндүлүг «Шын» солуннуң ажылдакчылары, хоочуннар база номчукчулар! 

 Онзагай юбилей - эрги моол дылда “Эрге шөлээлиг Таңды - Тыва”, “Тываның шыны”, а 1931 чылдан эгелеп «Шын» солуннуң үндезилеттингенинден бээр 90 чыл болганы-биле байыр чедириишкинин хүлээп ап көрүңер! 

 «Шын» солун — 1925 чылдың август 31-ден бээр үнүп эгелээн республикада эң-не хоочун солуннарның бирээзи болгаш тыва дылда эң хөй тиражтыг үндүрүлге болуп арткан. 90 чылдаан юбилей – хөйнү чугаалап турар факт-барымдаа-дыр. Бо чылдарның дургузунда солун кол сорулгазын күүсеткен – республиканың ниитилел-политиктиг, экономиктиг болгаш культурлуг амыдыралында кол болуушкуннарны чонга үе шаанда чырыдып, дамчыдып чедирип турар. 

 90 чыл — чаңгыс солуннуң амыдыралынга хамаарыштыр узун болгаш солунорук болуп турар. Ол үениң дургузунда Силерниң солунуңар республикад ахүндүткелди чаалап алган номчуштуг үндүрүлге болганын демдеглээр апаар. 

 Массалыг информация чепсээ «Шын» солун – ниитилелдиң сагыш-хөөнүнүң илередикчизи, республиканың иштики ниитилел-политиктиг, социал-экономиктиг болгаш культурлуг чорудулгазының көрүнчүү-дүр деп санаар мен. Тыва Арат Республиканың тургустунган үезинден тура үнүп эгелээн солун чаа сомалаттынгананыяк республиканың күрүне тургузуунга, чоннуң бот-медерелиниң болгаш бот-билчиишкининиң сайзыралынга кол чепсек турган. Тыва журналистиканың үндезинин тургускан «Шын» солуннуң коллективи чогаадыкчы интеллигенцияны, национал кадрларны кижизидеринге болгаш белеткээринге, чурттакчы чонну калбаа-биле бижик-билигге өөредириниң херээнге, социал-экономиктиг кол айтырыгларны шиитпирлээрингеканчаар-даа аажок улуг рольдуойнаан. 

 Бодунуң төөгүзүнүң 90 чылында солун бурунгу тыва черге эртип турган өскерлиишкиннерниң чүгле боттуг херечизи, бадыткалы болурундан аңгыда, республиканың бурунгаар хөгжүлдезиниң идепкейлиг киржикчизи болуп келген. 

 Силерниң солунуңар боду төөгүлүг, тургустунган езу-чаңчылдарлыг, катаптаттынмас аян-хевирлиг. Республиканың ниитилел-политикти гсолуну болгаш, ол чон-биле кезээде чоок. Ол бодунуң арыннарында чазак-чагырганың ажыл-чорудулгазының, республика амыдыралының, чер-чуртунуң хөгжүлдезинге үлүг-хуузун киириштирген алдарлыг кижилерниң, төрээн чуртунуң эң кол болгаш төөгүлүг эрткен оруунуң дугайында доктаамал чырыдып, регионнуң амыдыралының судалын быжыг тудуп турар. Ниитилел-политиктиг, экономика, көдээ ажыл-агый, өөредилге, культура, медицина темалары солуннуң чугула айтырыглары болган. 

 Күрүне чергелиг айтырыгларны ханы медереп, амыр эвес политиктиг болгаш экономиктиг айтырыгларны тода болгаш чедингир кылыр тайылбырлаан материалдарны номчукчуга үе-шаанда чедирип, күүсекчи, хоойлужудулга чазак-чагырга биле чоннуң аразында информастыг харылзааның көвүрүүн тургузуп турар силер. 

  Бо чылын Тывада Улусчу ужур-чаңчылдарның чылын чарлаан бис. Солун национал чаагай чаңчылдарны, ада-өгбелеривистиң үнелиг, байлак культура салгалдарын камгалаар болгаш дамчыдар онзагай хүлээлгени күүседип, ооң дугайында тускай рубрикаларны ажыткан. Силерниң солунуңарның арыннарындан алган өөредиглиг материалдарны башкылаашкын ажылында ажыглап турары – ооң бадыткалы. 

 «Шын» солун 90 чылдарның дургузунда чонга херектиг дээрзин бадыткап,бердинген номчукчуларының хүндүткелин чаалап алган парлалга үндүрүлгези болур. Ол ындыг болур-даа ужурлуг. Чүге дизе редакцияның коллективинге ажылынга сонуургалдыг болгаш бердинген, езулуг профессионалдар ажылдап турган болгаш ам-даа ажылдап-даа турар. Бөгүн оларның адын чоргаарал-биле демдеглеп адаалыңар. Ол дээрге боттарының тускай бижиир аянын тыпкан, номчукчуларга билдингир болгаш хүндүткелдиг хоочун журналистер Таан-оол Попанашович Хертек, Алексей Хунаевич Аир, Галина Шырвановна Монгуш, Кара-Күске Кунзекович Чооду, Даңзы Назытыевич Салчак, Владимир Федорович Чадамба, Дангыт Иргитович Чыдым, Шангыр-оол Монгушевич Суван, Светлана Сюр-ооловна Монгуш, Вера Ооржаковна Куулар, Хенче-Кара Сагдыевич Монгуш, Светлана Салчаковна Балчыр, Надежда Санчыдаровна Эргеп, Галина Дулушовна Маспык-оол-дур. 

 «Хүндүлелдиң демдээ» орденниң эдилекчизи, тыва парлалганың хоочуну солун моон-даа соңгаар бодунуң эчис туружун улам быжыглап, хөй талалыг солун, чаа идеяларлыг номчуштуг материалдарны чырыдар дээш күжениишкиннерни улам киискидип, чагыдып алыкчыларының болгаш номчукчуларының санын ам-даа көвүдедир дээш үре-түңнелдиг ажылдаар дээрзинге быжыг бүзүрелди илередип тур мен. «Шын» солуннуң байырлалы – тыва чоннуң байырлалы-дыр. Ынчангаш онза төөгүлүг болуушкун – 90 чыл бурунгаар солуннуң баштайгы дугаарының чырыкче үнгени-биле журналистерге, ажылдакчыларынга, хоочуннарынга болгаш номчукчуларынга сеткилдиң ханызындан байырны чедирип тур мен. Силерге болгаш чоок кижилериңерге чедиишкиннерни, кадыкшылды, чаагай чорукту күзедим! «Шын» солун - номчукчуларның четтикпейн манаар ынак солуну бооп кезээде артсын! Тываның Баштыңы Шолбан Кара-оол.