Тыва республиканың авиапарыгын үш чыл дургузунда 100 олуттуг «Сухой Суперджет-100» самолеттар-биле четчелээр

 Подмосковьеде Ада-чурттуң авиациязын хөгжүдеринче угланган МАКС-2015 авиафорум үезинде «Тываның авиашугумнарынга» лизинги-биле «Сухой Суперджет-100» деп 10 самолетту дамчыдар дугайында керээге атты салган. Республиканың боттуң авиапарыгын көвүдедиринге ол чугула базым болган. 100 олуттуг «Сухой Суперджет-100» самолет Кызыл биле Москва аразында дорт авиарейстарге бодун эки көргүскен. 

  «Күрүнениң транспорт лизинг компаниязы-биле» дугуржулгага ат салыр езулалда Тываның Баштыңы Шолбан Кара-оол, Федерация Чөвүлелиниң кежигүнү Мерген Ооржак, чер болгаш өнчү хамаарылгаларының сайыды Эрес Чульдум, транспорт сайыды Олег Бады киришкен.