Тываның Баштыңы август 26-да МАКС-2015 Бүгү-делегейниң авиация-космиктиг салонунга баар

 Вторникте Москва чоогунда Жуковскийде МАКС-2015 Бүгү-делегейниң авиация-космиктиг салону 12 дугаар ажыттынган. Авиасалоннуң ажылының баштайгы үш хонуун чаңчыл езугаар специалистер болгаш албан езузунуң кижилеринге тускайлаан, делгелгени 18 муң ажыг кижи көрген, организаторлар алызында 400 муңдан эвээш эвес кижи кээрин манап турар. 

 МАКС-ка РФ-тиң президентизи Владимир Путин, делегейде политиктиг чылдактардан хамаарылга чокка авиасалон дээштиг шөлчүгеш бооп турарын демдеглээн. Аэрокосмиктиг индустрия адырында үре-түңнелдиг кады ажылдажылгага Россия ажык база форум чорудуу-биле «элээн дээштиг дугуржулгаларны» чарарын ол чарлаан.

 МАКС-2015-тиң ажылы-биле, август 26-да, «КТЛК» ААН-ның «Сухой Суперджет 100» 10 агаар суднозун «Тываның авиашугумнары» ААН-ның операция лизингизинче дамчыдып бээриниң дугайында керээге атты салыры планнаттынган. 

  Тываның Баштыңы Шолбан Кара-оол ол хемчегде киржип турар.