Август 17-де Күрүне Чөвүлелиниң президиумунуң туризмни хөгжүдер талазы-биле хуралынга Тываның Баштыңы киржир

 РФ-тиң Күрчөвүлелиниң Президиум кежигүнү, Тываның Баштыңы Шолбан Кара-оол ажыл-агыйжы сургакчылаашкын-биле Крымда. Аңаа туризмни хөгжүдер талазы-биле күрүне чөвүлелиниң президиум хуралы эртер. 

 Хуралдың киржикчилери күрүне баштыңы Владимир Путинге виза чок эрттирилге чурумун саналдаар болгаш туризм адырында эргижирээн хоойлужудулга айтырыгларын чугаалажыр деп, Медээлер РИА дамчыткан. 

 Россияның регионнарының, ооң иштинде Крымның, социал-экономиктиг сайзыралының кол быразы иштики туризмни хөгжүдериниң мурнады көөр угланыышкыннарының дугайында чугаа хемчегниң кол темалары болур. 

 Күрчөвүлел айда бир катап чыглыр. Ооң составында губернаторлар, федералдыг округтарда президентиниң бүрүн эргелиг төлээлери, федералдыг парламентиниң ийи палатазының спикерлери, бүгү дума фракцияларының баштыңнары болгаш арга-дуржулгалыг экс-губернаторлар кирген.