Моолдуң Увс аймаа тургустунгандан бээр 90 чылын демдеглээн
23.07.2015
Моолдуң Увс аймаа тургустунганындан бээр 90 чылдаан оюн спортчу болгаш культурлуг хемчеглер-биле демдеглеп эрттирген. Тываның Баштыңы Шолбан Кара-оол аймактың административтиг төвү Улангом хоорайга кыска үе дургузунда четкеш, Моолдуң Увс аймактың губернатору Даш Цэндсурэн база Моолдуң өөредилге болгаш эртем сайыды Л. Гантомор-биле ужурашкан. Увс аймактың губернатору-биле транспорт төлевилелдерин боттандырарының айтырыгларын сайгарганнар. Моолдуң кызыгаар аймактары-биле российжи регионну харылзаштырган оруктарны чаарттырының айтырыглары чугааны колдаан. «Россияның болгаш Моолдуң удуртулгазы кызыгаар девискээрлерни сайзырадырынга, кожа күрүнелерниң кады ажылдажылгазын, ооң санында – улуг инвестиция төлевилелдерин таварыштыр, дээштиг чорудуп, социал-экономиктиг хөгжүлдениң чедиишкинниг барымдаазы болдурар арганы ажыглаары – регионнарның сорулгазы ол» - деп, Шолбан Кара-оол демдеглээн.
Тываның Баштыңы Шолбан Кара-оол Увс аймактың чурттакчыларынга байырлалы-биле байырны чедирип, кожа-хелбээ черниң дүрген хөгжүлдезин болгаш чечектелиишкинин күзээн.
Возврат к списку
|